पुणे | पुण्यातील बवधन परिसरात २६ वर्षीय वैष्णवी हगवणे हिच्या आत्महत्येने राज्यभरात खळबळ उडवली आहे. ही आत्महत्या नसून मानसिक छळ आणि हुंडाबळीचा प्रकार असल्याचा संशय आता ठोस स्वरूपात समोर येतो आहे. या प्रकरणात माजी राष्ट्रवादी काँग्रेसचे नेते राजेंद्र हगवणे यांच्यासह संपूर्ण कुटुंबावर गंभीर आरोप ठेवण्यात आले आहेत.
कोण आहेत राजेंद्र हगवणे आणि त्यांचे कुटुंब?
1) राजेंद्र हगवणे हे मुळशी तालुक्यातील माजी राष्ट्रवादी नेते असून २००४ मध्ये त्यांनी विधानसभा निवडणुकीत ६१,५९४ मते घेत दुसरा क्रमांक पटकावला होता.
2) त्यांचे दोन मुलगे आहेत – सुषिल (मोठा) व शशांक (लहान).
3) शशांक हगवणे हा वैष्णवीचा पती असून याच्यावर तिचा छळ केल्याचा आरोप आहे.
4) सुषिल हगवणे हा युवक राष्ट्रवादी काँग्रेसचा अध्यक्ष होता आणि सध्या फरार आहे.
5) करिश्मा हगवणे ही त्यांच्या घरातील मुलगी असून ती स्वतःला फॅशन डिझायनर आणि स्टायलिस्ट म्हणवते. तिचा ब्रँड ‘लक्ष्मीतारा बाय करिश्मा’ नावाने ओळखला जातो.
6) लता हगवणे ही वैष्णवीची सासू असून सध्या तिला पोलिसांनी अटक केली आहे.
