पुणे: दीनानाथ मंगेशकर रुग्णालयाने चॅरिटेबल ट्रस्टच्या नावाखाली लोकांसाठी सेवा देण्याचे वचन दिले होते, मात्र वास्तव याच्या अगदी उलट दिसत आहे. पैशांसाठी एका निष्पाप जीवाचा बळी घेतल्याच्या आरोपाने हे प्रतिष्ठित रुग्णालय चांगलेच अडचणीत आले आहे.
१० कोटींची जमीन सरकारकडून १ रुपयात, पण गरीब रुग्णांना मदत नाही!
राज्यसरकारने रुग्णसेवा आणि चॅरिटेबल कार्याच्या उद्देशाने दीनानाथ मंगेशकर रुग्णालयाला १० कोटी किमतीची आठ हजार चौरस फूट जमीन केवळ १ रुपयाच्या भाड्याने दिली होती. हा विश्वास आणि जबाबदारी अत्यंत पवित्र होती, मात्र या रुग्णालयाने गरीब रुग्णांना मदतीऐवजी त्यांच्या जिवावरच नफेखोरीचा खेळ खेळल्याचा आरोप होत आहे.
पैशांअभावी आई आणि पोटातील बाळांचा मृत्यू!
सुशांत भिसे यांना त्यांच्या पत्नीच्या प्रसूतीसाठी रुग्णालयात दाखल करण्याची तातडीची गरज होती. मात्र, रुग्णालय प्रशासनाने उपचार सुरू करण्याआधी २० लाख रुपयांची मागणी केली आणि १० लाख रुपये आधी भरायला सांगितले.
गावाकडची शेती विकून दोन तासात पैसे भरण्याचे विनवणी करूनही रुग्णालयाने अँडमिशन नाकारली! प्रसूतीच्या असह्य वेदनांनी विव्हळणाऱ्या तनिषाची डॉक्टरांनी दखल घेतली नाही! कुटुंबाला मदतीऐवजी व्यावसायिक नफेखोरी दाखवत गर्भवतीला वाऱ्यावर सोडले! शेवटी योग्य उपचार न मिळाल्याने तनिषाचा आणि तिच्या पोटातील बाळाचा मृत्यू झाला!
सरकारची तातडीने कारवाईची मागणी!
या दुर्दैवी घटनेनंतर राज्यभरातून संतापाची लाट उसळली आहे. आरोग्यमंत्री प्रकाश अबीटकर यांना रुग्णालयावर तातडीने कठोर कारवाई करण्याची मागणी करण्यात येत आहे.
मागण्यांमध्ये: संबंधित डॉक्टरांचे त्वरित निलंबन रुग्णालयाच्या चॅरिटेबल स्टेटसवर पुनर्विचार मृत कुटुंबाला न्याय मिळवून देण्यासाठी सरकारने तातडीने चौकशी सुरू करावी
“चॅरिटेबल” नावाखाली व्यावसायिक दुकान?”
हे रुग्णालय एका “चॅरिटेबल ट्रस्ट” अंतर्गत चालवले जाते. मात्र, गरीब आणि गरजू रुग्णांना मदतीऐवजी पैशांसाठी नाकारले जात असल्याचे अनेक आरोप समोर येत आहेत.
असा प्रकार पहिल्यांदाच घडतोय का? अनेक रुग्ण आणि त्यांच्या कुटुंबीयांनी यापूर्वीही रुग्णालयाच्या अमानुष वागणुकीविरोधात तक्रारी केल्या आहेत. गरीबांना सेवेसाठी स्थापन झालेले हे रुग्णालय खाजगी हॉस्पिटलप्रमाणेच अव्वाच्या सव्वा बिलं आकारत असल्याचे निदर्शनास आले आहे.
लोकांच्या भावना – “आता ही लूट थांबली पाहिजे!”
“जर गरीबांना मदत करायचीच नसेल, तर चॅरिटेबल ट्रस्ट कशाला?” “१० कोटींची सरकारी जमीन मिळूनही, हे रुग्णालय गरिबांना मदत करत नाही?” “डॉक्टर लोकांचे जीव वाचवतात की विक्री करतात?”
दीनानाथ मंगेशकर रुग्णालयाने एका निष्पाप जीवाचा बळी घेतल्याच्या आरोपामुळे रुग्णसेवेवर आणि चॅरिटेबल ट्रस्टच्या संकल्पनेवर गंभीर प्रश्नचिन्ह उभे राहिले आहे. गरिबांना फुकट सेवा द्यायच्या नावाखाली मिळवलेली सरकारी जमीन खाजगी व्यावसायिक हेतूंसाठी वापरली जात असल्याचा आरोप सध्या चर्चेत आहे.
“हा लढा फक्त एका कुटुंबाचा नाही, तो गरीबांसाठी न्याय मिळवण्याचा आहे!”
