लोणावळा (कार्ला) येथील निदान लिगल एड फोरम यांच्या वतीने पुणे ग्रामीण पोलीसांसाठी विशेष प्रशिक्षण सत्राचे आयोजन करण्यात आले. हे सत्र कार्ला येथील महाराजा अग्रसेन पॅलेस येथे यशस्वीपणे पार पडले. सदर कार्यक्रमास पुणे ग्रामीण पोलीस विभागातील अनेक अधिकारी व कर्मचारी मोठ्या संख्येने उपस्थित होते.
प्रशिक्षणासाठी विशेष तज्ज्ञांचे मार्गदर्शन
फौजदारी कायद्यात झालेल्या बदलांविषयी पोलिसांना अद्ययावत माहिती देण्यासाठी कार्यक्रमात तज्ज्ञ वक्त्यांनी मार्गदर्शन केले. यामध्ये गोव्हर्मेंट लॉ कॉलेजचे प्राध्यापक किशू देसवानी, बार कॉन्सिल महाराष्ट्र व गोव्याचे माजी अध्यक्ष तसेच मुंबई उच्च न्यायालयाचे वरिष्ठ वकील ॲड. सतीश तळेकर आणि ॲड. ऋषिकेश गानू यांनी पोलीसांना महत्त्वपूर्ण मार्गदर्शन केले.
प्रमुख मान्यवरांची उपस्थिती
कार्यक्रमाचे उद्घाटन मुंबई उच्च न्यायालयाचे विद्यमान न्यायाधीश श्रीराम मोडक यांच्या हस्ते पार पडले. तसेच वडगाव बार असोसिएशनचे अध्यक्ष ॲड. संजय वांद्रे आणि प्रमुख उद्योगपती व समाजसेवक श्री. विनोद भिमराजका हे प्रमुख मान्यवर मंचावर उपस्थित होते.
प्रमुख भाषणातील ठळक मुद्दे
न्यायमूर्ती श्रीराम मोडक यांनी आपल्या अध्यक्षीय भाषणात पोलिसांना कायद्याची अद्ययावत माहिती असणे किती महत्त्वाचे आहे यावर प्रकाश टाकला. त्यांनी स्पष्ट केले की, “जर पोलिसांना कायद्याचे अद्ययावत ज्ञान नसेल तर ते पकडलेले गुन्हेगार तांत्रिक मुद्द्यांवर सुटू शकतात.” त्यामुळे पोलिसांनी सतत प्रशिक्षण घेणे गरजेचे असल्याचे त्यांनी सांगितले.
अनेक मान्यवरांचा सहभाग
कार्यक्रमास सहाय्यक पोलीस अधीक्षक श्री. रमेश चोपडे, DYSP श्री. मांडवे, पोलीस निरीक्षक सुहास जगताप, पोलीस निरीक्षक श्री. रावळ, पोलीस निरीक्षक श्री. किशोर धुमाळ, पोलीस निरीक्षक श्री. संतोष घोलवे, बि.एन. पुरंदरे महाविद्यालयाचे विश्वस्त श्री. दत्ता पाळेकर यांच्यासह अनेक मान्यवर उपस्थित होते.
निदान फोरमचा पुढील उपक्रम
कार्यक्रमाच्या शेवटी निदान लिगल एड फोरमचे अध्यक्ष ॲड. निलेश अग्रवाल यांनी अशा प्रकारचे प्रशिक्षण सत्र राज्यभर राबवण्याचा निर्धार व्यक्त केला.
