🔹गुन्हे शाखेच्या अंमली पदार्थ विरोधी पथकाची मोठी कारवाई!
🔹 ९८ ग्रॅमपेक्षा जास्त चरससह आरोपी गजाआड
🔹 पोलीस आयुक्त अमितेश कुमार यांच्या सूचनेनुसार कठोर कारवाई सुरू
पुणे : पुणे शहरात अंमली पदार्थ विक्रीवर आळा घालण्यासाठी पोलीस आयुक्त अमितेश कुमार आणि सहआयुक्त रंजनकुमार शर्मा यांच्या मार्गदर्शनाखाली अंमली पदार्थ विरोधी मोहिम जोरात सुरू आहे. याच मोहिमेच्या अंतर्गत पुणे गुन्हे शाखेच्या अंमली पदार्थ विरोधी पथक १ च्या पथकाने एक मोठी कारवाई करत शिवलिंग नागनाथ आवटे (वय ३९, रा. कात्रज, पुणे) या इसमाला अटक केली आहे.
👮♂ अटक आरोपीकडून जप्त करण्यात आलेले साहित्य :
✔ चरस (९८ ग्रॅम २६ मिलीग्रॅम) – किंमत ₹९८,२६०/-
✔ दोन मोबाईल फोन – किंमत ₹७०,०००/-
✔ रोख रक्कम – ₹६७०/-
✔ इतर महत्त्वाचे पुरावे
🔹 एकूण जप्त मालमत्ता किंमत : ₹१,६९,६३०/-
कात्रज परिसरात पोलिसांची कारवाई – अंमली पदार्थ विक्री करणारा जाळा उघड
अंमली पदार्थ विरोधी पथकाच्या अधिकाऱ्यांनी पुणे-सातारा रोड, मांगडेवाडी, इंडियन ऑइल पेट्रोलपंपासमोर संशयित हालचाली करणाऱ्या इसमावर पाळत ठेवली. पोलिसांनी त्याला अडवून झडती घेतली असता त्याच्याकडे ९८ ग्रॅमपेक्षा जास्त चरस हा अंमली पदार्थ मिळून आला. हा इसम ही चरस विक्रीसाठी बेकायदेशीररित्या जवळ बाळगत असल्याचे स्पष्ट झाल्यानंतर भारती विद्यापीठ पोलीस ठाण्यात एन.डी.पी.एस. अॅक्ट कलम ८ (क), २० (ब) (ii) (अ) अन्वये गुन्हा दाखल करण्यात आला आहे.
पुणे पोलिसांकडून अंमली पदार्थ विक्रेत्यांविरोधात कठोर पावले!
पुणे शहरातील अंमली पदार्थ विक्रीचे नेटवर्क नष्ट करण्यासाठी पुणे पोलिसांनी कठोर भूमिका घेतली आहे. पोलीस आयुक्त अमितेश कुमार, सहआयुक्त रंजनकुमार शर्मा, अपर पोलीस आयुक्त शैलेश बलकवडे, गुन्हे विभागाचे उपआयुक्त निखील पिंगळे, सहायक पोलीस आयुक्त गणेश इंगळे यांच्या मार्गदर्शनाखाली या कारवाईस यश आले.
या पोलिस अधिकाऱ्यांनी घेतली मोठी मेहनत!
या यशस्वी कारवाईसाठी अंमली पदार्थ विरोधी पथक १ चे वरिष्ठ पोलीस निरीक्षक उल्हास कदम, सहायक पोलीस निरीक्षक अनिकेत पोटे, पोलीस उपनिरीक्षक दिगंबर कोकाटे, तसेच पोलीस अंमलदार प्रविण उत्तेकर, संदीप शिर्के, सचिन माळवे, विपुल गायकवाड, संदेश काकडे, दत्ताराम जाधव आणि योगेश मोहीते यांनी विशेष मेहनत घेतली.
पुणेकरांनो, सावध राहा! पोलिसांना मदत करा!
🔹 अंमली पदार्थ विरोधी मोहिमेसाठी नागरिकांनी सहकार्य करावे.
🔹 कोणत्याही संशयास्पद व्यक्ती, विक्री किंवा हालचालीबाबत पोलिसांना तत्काळ माहिती द्या.
🔹 पुणे पोलिसांकडून तरुणाईला आवाहन – अंमली पदार्थाच्या विळख्यात पडू नका!
