महाराष्ट्र पोलिसांच्या आधुनिक पोलिसिंग उपक्रमांना प्रतिष्ठेचा ‘फिक्की स्मार्ट पोलिसिंग पुरस्कार 2024’ मिळाला आहे. मुख्यमंत्री देवेंद्र फडणवीस यांच्या नेतृत्वात राज्यातील पोलिस दलाने महिला व बाल सुरक्षा, गुन्हे अन्वेषण आणि सुरक्षा व्यवस्थेच्या आधुनिकीकरणात भरीव योगदान दिले आहे. यामुळे महाराष्ट्र पोलिसांचा सन्मान वाढला आहे.
🔹 महिला व बाल सुरक्षेतील उल्लेखनीय कार्याचा गौरव फिक्की फेडरेशन हाऊस, नवी दिल्ली येथे झालेल्या या पुरस्कार सोहळ्यात प्रमिला निकम, हेड कॉन्स्टेबल, राजगड पोलीस स्टेशन, पुणे यांना मानवी तस्करी प्रतिबंध या श्रेणीत विशेष पुरस्कार देण्यात आला. त्यांच्या उल्लेखनीय कार्यामुळे महिला व मुलांच्या सुरक्षेसाठी पोलिस दल अधिक सक्षम होत आहे.
🔹 पोलीस प्रशासनासाठी ‘ई-दरबार’ उपक्रमाला मान्यता पोलीस कर्मचाऱ्यांच्या समस्या आणि तक्रारी तातडीने सोडवण्यासाठी वर्ध्याचे तत्कालीन पोलीस अधीक्षक नुरुल हसन यांनी सुरू केलेल्या ई-दरबार उपक्रमाला इतर स्मार्ट पोलिसिंग उपक्रम श्रेणीमध्ये सन्मानित करण्यात आले. या उपक्रमामुळे पोलीस दलातील अंतर्गत कामकाज अधिक पारदर्शक आणि सोयीस्कर झाले आहे.
🔹 मुख्यमंत्र्यांकडून विशेष अभिनंदन! मुख्यमंत्री देवेंद्र फडणवीस यांनी प्रमिला निकम आणि नुरुल हसन यांचे विशेष कौतुक करत महाराष्ट्र पोलिसांच्या अतुलनीय योगदानाचा गौरव केला. या पुरस्कारामुळे राज्य पोलिसांच्या नाविन्यपूर्ण उपक्रमांना देशपातळीवर मान्यता मिळाली आहे.
महाराष्ट्र पोलिसांनी पोलिसिंगच्या नव्या युगाची सुरुवात केली असून, स्मार्ट व जनहितकारी सुरक्षा व्यवस्थेमुळे नागरिकांना अधिक सुरक्षित वाटत आहे.
