घटनेचा तपशील:
मयत सचिनकुमार राय मूळचा बिहारच्या मुझफ्फरपूर जिल्ह्यातील बंगरी गावचा रहिवासी होता. आरोपी गौतम राय आणि त्याचा अल्पवयीन साथीदार यांनी मिळून हा खून केल्याचे स्पष्ट झाले आहे. सचिनकुमार याचे आरोपीच्या नातेवाईक महिलेशी प्रेमसंबंध असल्याचा संशय गौतमला होता. याच कारणावरून महिलेला घर सोडावे लागले होते. संतप्त आरोपीने आपला राग काढण्यासाठी सचिनकुमारचा खून करण्याचे ठरवले.
पोलिसांची जलद कारवाई:
खंडणी विरोधी पथकाला सचिनकुमार रायच्या खुनाची माहिती मिळताच, वरिष्ठ पोलिस निरीक्षक देवेंद्र चव्हाण यांच्या नेतृत्वाखाली घटनास्थळी तपास सुरू झाला.
सीसीटीव्ही फुटेजच्या आधारे आरोपीची ओळख पटली. हवालदार आशिष बोटके यांच्या माहितीनुसार आणि सहायक फौजदार सुनील कानगुडे यांच्या तांत्रिक विश्लेषणावरून आरोपी गौतम राय याला वाकड येथील काळाखडक भागातून पहाटे सव्वातीनच्या सुमारास अटक करण्यात आली. त्याने दिलेल्या माहितीच्या आधारे त्याच्या अल्पवयीन साथीदारालाही ताब्यात घेण्यात आले.
पोलीस अधिकाऱ्यांचे नेतृत्व:
ही कारवाई पोलीस आयुक्त विनय कुमार चौबे, सह आयुक्त डॉ. शशिकांत महावरकर, अपर आयुक्त वसंत परदेशी, उपायुक्त संदीप डोईफोडे आणि सहाय्यक आयुक्त बाळासाहेब कोपनर यांच्या मार्गदर्शनाखाली करण्यात आली.
खंडणी विरोधी व औद्योगिक तक्रारी निवारण पथकातील वरिष्ठ पोलिस निरीक्षक देवेंद्र चव्हाण, सहायक फौजदार सुनील कानगुडे, हवालदार आशिष बोटके, अंमलदार प्रदीप गोडांबे, चंद्रकांत जाधव, ज्ञानेश्वर कुऱ्हाडे, मंगेश जाधव आणि तांत्रिक विश्लेषण विभागातील नागेश माळी यांनी प्रभावी तपास करून आरोपीला गजाआड केले.
महत्वाचे मुद्दे:
- सचिनकुमार राय याचा धारदार शस्त्राने वार करून खून.
- आरोपी गौतम राय १२ तासांत पोलिसांच्या ताब्यात.
- खून प्रेमसंबंधाच्या संशयातून केला असल्याचे आरोपीने कबूल केले.
- खंडणी विरोधी पथकाचे तांत्रिक आणि जलद कामगिरीमुळे आरोपी गजाआड.
