सांगली जिल्ह्यातील एक धक्कादायक घटना संपूर्ण महाराष्ट्राला हादरवून गेली आहे. सात महिन्यांची गरोदर, उच्चशिक्षित हिंदू भगिनी – स्व. सौ. ऋतुजा राजगे यांनी धर्मांतरासाठी होणाऱ्या सासरकडील जाचाला कंटाळून आत्महत्या केली. पण मृत्यूपूर्वी ती एका वाक्यात सर्व हिंदू समाजाला जागं करून गेली – “प्राण सोडला पण हिंदू धर्म नाही सोडला!”
ही घटना केवळ एका महिलेच्या मृत्यूपुरती मर्यादित राहिलेली नाही, तर ती हिंदू अस्मिता, श्रद्धा, आणि संस्कृतीवर होणाऱ्या हल्ल्याचा ज्वलंत नमुना ठरली आहे. या घटनेविरोधात राज्यभरात संताप व्यक्त होत आहे.
महेशदादा लांडगे यांची प्रतिक्रिया:
“स्व. ऋतुजाचे बलिदान व्यर्थ जाणार नाही. ही वेळ हिंदू समाजाने एकत्र येण्याची आहे. धर्मांतर रोखण्यासाठी कठोर कायदा हवा. पावसाळी अधिवेशनात हा मुद्दा राज्यसभेत जोरकसपणे मांडण्यात येईल. आमचा संकल्प ठाम आहे – धर्मांतर बंदी कायदा होणारच!” असा स्पष्ट संदेश पिंपरी-चिंचवडचे लोकप्रिय आमदार महेशदादा लांडगे यांनी दिला.
महेशदादा पुढे म्हणाले: “धर्मांतरासाठी बळजबरीने मानसिक छळ करणे ही मानवतेविरुद्धची कृती आहे. अशा घटनांवर कठोर कारवाई व्हावी यासाठी लवकरात लवकर धर्मांतर बंदी कायदा लागू करणे अत्यावश्यक आहे.”
हिंदू समाजात संतापाची लाट:
स्व. ऋतुजाच्या मृत्यूनंतर सोशल मीडियावर #JusticeForRutuja च्या माध्यमातून संतप्त भावना व्यक्त केल्या जात आहेत. महिलांच्या सुरक्षेसाठी आणि धार्मिक श्रद्धेच्या रक्षणासाठी अनेक संघटना रस्त्यावर उतरल्या आहेत. सांगलीसह पुणे, कोल्हापूर, नाशिक, औरंगाबाद अशा शहरांमध्ये मोर्चे, कँडल मार्च, निषेध सभा सुरू आहेत.
धर्मांतर बंदी कायद्याची मागणी जोरात:
या प्रकरणामुळे महाराष्ट्रात ‘धर्मांतर बंदी कायदा’ लागू करण्याची मागणी पुन्हा एकदा ऐरणीवर आली आहे. महेशदादा लांडगे यांच्यासह अनेक आमदार, खासदार, आणि सामाजिक संघटनांनी यासाठी एकत्र येण्याची तयारी दर्शवली आहे. हा कायदा फक्त धार्मिक जबरदस्ती रोखण्यासाठी नाही, तर महिलांच्या आत्मसन्मान, धार्मिक स्वातंत्र्य आणि भारताच्या सामाजिक समतेच्या रक्षणासाठी आहे.
महिलांवर धर्म बदलण्यासाठी होणारा दबाव थांबविण्यासाठी विशेष कायदेशीर चौकटीची गरज, धर्मांतरासाठी बळजबरी करणाऱ्यांवर गुन्हेगारी कलमांतर्गत कठोर कारवाई, पीडित महिलांना आर्थिक, मानसिक आणि कायदेशीर मदत, शालेय आणि महाविद्यालयीन स्तरावर धर्मांतरविरोधी जनजागृती अभियान.
