पिंपरी, पुणे (दि. ७ एप्रिल २०२५) – जैन इंटरनॅशनल ट्रेड ऑर्गनायझेशन (जीतो) ही जैन समाजासाठी कार्य करणारी एक आंतरराष्ट्रीय प्रतिष्ठित संस्था आहे. या संस्थेच्या वतीने बुधवारी, ९ एप्रिल रोजी संपूर्ण जगभर “विश्व नवकार महामंत्र दिवस” मोठ्या उत्साहात साजरा करण्यात येणार आहे. विशेष म्हणजे, या भव्य उपक्रमात भारतासह तब्बल १०८ देश सहभागी होणार असून, ६,००० पेक्षा जास्त ठिकाणी सामूहिक पठणाचा भव्य कार्यक्रम आयोजित केला जाणार आहे.
विशेष आयोजन चिंचवडमध्ये – मान्यवरांचा उपस्थितीत भव्य सोहळा
पिंपरी-चिंचवड शहरातील नागरिकांना या भव्य उपक्रमात सहभागी होता यावे, यासाठी चिंचवड गावातील श्री फत्तेचंद विद्यालयाच्या प्रांगणात जीतो चिंचवड पिंपरी चॅप्टर फाउंडेशनच्या वतीने विशेष आयोजन करण्यात आले आहे. या भव्य सोहळ्याची माहिती झोन चेअरमन राजेंद्र जैन यांनी प्रसिद्धीस दिली आहे.
कार्यक्रमाचे मुख्य आकर्षण म्हणजे पंतप्रधान नरेंद्र मोदी यांचे ऑनलाईन मार्गदर्शन! सकाळी ८ वाजता पंतप्रधान मोदी डिजिटल स्वरूपात या सोहळ्यात सहभागी होऊन आपले विचार मांडणार आहेत.
कार्यक्रमाचा वेळापत्रक आणि विशेष आकर्षण:
📌 सकाळी ७:०० वाजता: श्री फत्तेचंद विद्यालयाच्या प्रांगणात कार्यक्रमाची भव्य सुरुवात
📌 सकाळी ७:३० वाजता: साधू-साध्वीजींचे आध्यात्मिक मार्गदर्शन
📌 सकाळी ८:०० वाजता: पंतप्रधान नरेंद्र मोदींचे ऑनलाईन मार्गदर्शन
📌 १०८ देशांत एकाच वेळी महामंत्र पठणाचा जागतिक विक्रम!
📌 समारोप प्रसंगी जीतो चिंचवड पिंपरी चॅप्टरचे विशेष मार्गदर्शन
राजकीय आणि सामाजिक क्षेत्रातील दिग्गजांची उपस्थिती
या भव्य सोहळ्यास पिंपरी-चिंचवडमधील अनेक प्रतिष्ठित नेते आणि प्रशासकीय अधिकारी उपस्थित राहणार आहेत.
त्यामध्ये खासदार श्रीरंग बारणे, डॉ. अमोल कोल्हे, विधानसभेचे उपाध्यक्ष अण्णा बनसोडे, आमदार शंकर जगताप, महेश लांडगे, उमा खापरे, अमित गोरखे, महापालिका आयुक्त शेखर सिंह, पोलीस आयुक्त विनयकुमार चौबे आदी मान्यवरांचा समावेश आहे.
विश्वशांतीसाठी महामंत्र पठण – १०८ देशांतील नागरिक एकत्र येणार!
