राज्याच्या उर्जाविकासाचा वेग वाढवण्यासाठी आणि पर्यावरणपूरक ऊर्जास्रोतांचा विस्तार करण्यासाठी मुख्यमंत्री देवेंद्र फडणवीस यांच्या प्रमुख उपस्थितीत जलसंपदा विभाग, महाराष्ट्र शासन आणि महाजनको (MAHAGENCO), महाजनको रिन्यूएबल एनर्जी लिमिटेड तसेच अवाडा ग्रुप यांच्यात पंप्ड स्टोरेज प्रकल्पासाठी ऐतिहासिक सामंजस्य करार (MoU) करण्यात आला.
या करारामुळे राज्यात ऊर्जा साठवणुकीची क्षमता मोठ्या प्रमाणात वाढणार असून पारंपरिक आणि अक्षय ऊर्जा यांच्यात समतोल राखत ऊर्जा गरजा पूर्ण करण्यासाठी हा टप्पा मोलाचा ठरणार आहे.
मुख्यमंत्री फडणवीस यांनी यावेळी सांगितले की, “ही सामंजस्य करार प्रक्रिया केवळ कागदी दस्तावेज नाही, तर भविष्यातील शाश्वत महाराष्ट्राची ऊर्जा नीती याचा पाया आहे. ऊर्जा ही केवळ प्रगतीची किल्ली नसून रोजगार, औद्योगिक विकास आणि पर्यावरण संरक्षणाचे साधन देखील आहे.”
या प्रकल्पामुळे:
-
जलविद्युत ऊर्जा निर्मितीत वाढ
-
ऊर्जेच्या गरजांवेळी साठवलेली ऊर्जा वापरण्याची सुविधा
-
शाश्वत आणि स्वच्छ ऊर्जा धोरणाला चालना
-
ग्रामीण व नागरी भागात रोजगारनिर्मिती
