मुंबई : होळी आणि होलिका दहन सणानिमित्त मुंबई पोलिसांनी शहरभरात कठोर वाहतूक नियंत्रण मोहीम राबवली. या मोहिमेत तब्बल १७,४९५ वाहतूक उल्लंघन प्रकरणांवर कारवाई करत तब्बल १.७९ कोटी रुपयांचा दंड वसूल करण्यात आला.
🔹 विशेष मोहीम आणि मोठी कारवाई १३ आणि १४ मार्च या दोन दिवसांत होळी आणि होलिका दहनसाठी मुंबईतील प्रमुख रस्ते, चौक आणि महामार्गांवर पोलिसांनी विशेष नाकाबंदी केली होती. या दरम्यान मद्यधुंद अवस्थेत वाहन चालवणे, वेगमर्यादा ओलांडणे आणि वाहतूक नियमांचे उल्लंघन करणाऱ्यांवर कठोर कारवाई करण्यात आली.
🔹 कोणत्या प्रकारच्या उल्लंघनांवर झाली कारवाई? ➡️ बिना हेल्मेट वाहन चालवणे: ४,९४९ प्रकरणे ➡️ मद्यधुंद अवस्थेत वाहन चालवणे: १८३ प्रकरणे ➡️ गलत दिशेने वाहन चालवणे: ३३ प्रकरणे ➡️ वन-वे मार्गावर वाहन चालवणे: ९९२ प्रकरणे ➡️ तीन प्रवासी बसवून दुचाकी चालवणे: ४२५ प्रकरणे ➡️ सिग्नल तोडणे: १,९४२ प्रकरणे ➡️ बिना परवाना वाहन चालवणे: ८२६ प्रकरणे
🔹 पोलिसांनी नागरिकांना दिल्या सूचना मुंबई पोलिसांनी या मोहिमेपूर्वीच नागरिकांना ‘काय करावे आणि काय करू नये’ याबाबत मार्गदर्शक सूचना दिल्या होत्या. नियमांचे पालन न करणाऱ्यांवर महाराष्ट्र पोलीस अधिनियम अंतर्गत कारवाई करण्याचा इशारा देखील देण्यात आला होता.
🔹 अपघातांमध्ये जखमींची नोंद होळीचा आनंद काहींसाठी दुर्दैवी ठरला. या उत्साहात घडलेल्या अपघातांमध्ये अनेकजण जखमी झाले. त्यातील चार व्यक्तींना रुग्णालयात दाखल करण्यात आले. दोन रुग्णांची सायन येथील लोकमान्य टिळक रुग्णालयात उपचार सुरू असून अन्य दोन रुग्णांची दक्षिण मुंबईतील नायर रुग्णालयात देखभाल करण्यात येत आहे. ओपीडीमध्ये उपचार घेतल्यानंतर अनेक जखमींना घरी सोडण्यात आले.
🔹 सुरक्षिततेचा नियम पाळा – पोलिसांचे आवाहन होळीचा आनंद द्विगुणित करण्यासाठी प्रत्येकाने सुरक्षिततेचे नियम पाळणे गरजेचे आहे. वाहन चालवताना मद्यपान करणे टाळा, हेल्मेट घाला आणि वाहतूक नियमांचे पालन करा, असे आवाहन मुंबई पोलिसांनी केले आहे.
