मुंबई: महाराष्ट्रातील विधानसभा निवडणुकांची बहुप्रतीक्षित घोषणा आज करण्यात येणार आहे. राज्यातील राजकीय वातावरण तापले असताना, सर्वांच्या नजरा आज निवडणूक आयोगाच्या पत्रकार परिषदेकडे लागल्या आहेत. ही पत्रकार परिषद अत्यंत महत्त्वाची ठरणार आहे कारण त्यात निवडणुकांचे तारखा, मतदारसंघांची पुनर्रचना, तसेच निवडणुकीसाठीचे नियम आणि अटींची सविस्तर माहिती जाहीर होण्याची अपेक्षा आहे.
निवडणूक आयोगाने कालच आपल्या अधिकृत निवेदनात म्हटले होते की, निवडणुकींच्या तारखा जाहीर करण्यासाठी आज विशेष पत्रकार परिषद घेतली जाईल. या पत्रकार परिषदेत निवडणूक आयोगाचे वरिष्ठ अधिकारी उपस्थित असतील. याशिवाय, राजकीय पक्षांनी निवडणुकीसाठी कंबर कसली आहे आणि संभाव्य आघाड्या आणि उमेदवारांची चर्चा जोरात सुरु आहे.
राजकीय विश्लेषकांचे म्हणणे आहे की, या निवडणुका महाराष्ट्राच्या राजकीय परिपेक्षात अत्यंत महत्त्वपूर्ण ठरणार आहेत. सत्ताधारी आणि विरोधक दोघांनीही आपल्या रणनीतींवर विचारमंथन सुरु केले आहे. महाराष्ट्रातील जनतेने आगामी काळात कोणत्या नेत्यांवर विश्वास ठेवावा याचे उत्तर या निवडणुकांमध्ये मिळणार आहे.
राजकीय नेत्यांच्या हालचालींवर लक्ष ठेऊन असलेल्या जनतेला आता फक्त एकच प्रश्न आहे – निवडणूक तारीख कोणती? त्याचे उत्तर आज मिळणार आहे.
पत्रकार परिषद कोणत्या वेळेस होणार?
निवडणूक आयोगाची पत्रकार परिषद आज दुपारी ३ वाजता होणार असल्याचे सूत्रांकडून कळते. या वेळी निवडणुकांचे वेळापत्रक जाहीर होईल आणि निवडणूक प्रक्रियेच्या नियमानुसार पुढील कार्यवाहीसाठी दिशा ठरवली जाईल.
